Taolo ya Bosetšhaba ya Mohlagase
LEFOKWANA LA MAIKEMIŠETŠO
Go laola intasteri ya maatla go ya ka melao ya mmušo, melaotshepetšo, maemo le a godimo a boditšhabatšhaba ka go thekga tlhabollo ya go ya go ile.
Go laola intasteri ya maatla go ya ka melao ya mmušo, melaotshepetšo, maemo le a godimo a boditšhabatšhaba ka go thekga tlhabollo ya go ya go ile.
Go ba moetapele wa maemo a godimo lefaseng ka tša mohlagase.
NER e ka go thuša bjang?
Molao wa Mohlagase wa 41 wa 1987 go ya ka mo fetotšwego o laela NER gare ga tše dingwe, go rarolla dikganetšano gare ga moabi wa mohlagase le Bašomiši, gammogo le baabi ka bobona.
Ge e le gore o be o sa thaba ka mokgwa woo moabi wa gago wa mohlagase a ilego a swara ngongorego ya gago ka gona, NER e ka go thuša.
Gopola gore ntlha ya gago ya mathomo ya go nyaka thušo e swanetše go ba moabi wa gago wa mohlagase (mohlala, mmasepala, Eskom)
Dingongorego
Na ke mehuta efe ya dingongorego yeo NER e ka go thušago ka yona? NER e šomana le dingongorego tše ntši tšeo di amango le mohlagase wa gago go akaretša:
Boleng bja ditirelo
Boleng bja kabo
Thomelo ya tšhupamolato
Go bala dimetara
Ditefo
Ke eng seo o swanetšego go se dira?
Sa pele bega ngongorego ya gago le moabi wa gago
Ge ngongorego e sa rarollwe, letšetša, ngwalela goba o romele Kgoro ya Ditirelo tša Bašomiši ya NER, gomme
O re fe dintlha tša maleba ka botlalo tša ngongorego.
RE TLA SWARA DINGONGOREGO KA SEPHIRI LE KA BONAKO KA MO KGONAGALAGO
SEO O SWANETŠEGO GO SE TSEBA
MEŠOMO YA BAABI
Kabo ya ditirelo
Baabi ka moka ba felo fa ba swanetše go fiwa dilaesense ke NER. Gago moabi wa mohlagase yoo a nago le tokelo ya go hlagiša le go abela Bašomiši mohlagase ntle le tumelelo ya NER.
Moabi wa gae ga a swanela go fetišetša laesense ya gagwe ya go aba mohlagase go moabi yo mongwe wa gae ntle le tumelelo ya NER.
Moabi wa gae ga a na tokelo ya go lefiša Bašomiši lekgetho leo le sego la dumelelwa ke NER goba go fetola maemo a gona ntle le tumelelo ya NER. Bašomiši ka gona ba tla ba ba le ka gare ga ditokelo tša bona tša go tšwela pele ba lefa lekgetho leo le dumeletšwego le ge e le gore lekgetho le lefsa leo le sego molaong le hlamilwe ke moabi wa selegae.
Go fa wena, mošomiši, ka tirelo
Moabi wa gae o na le mošomo wa go abela mohlagase go setsha goba setene tikologong ya gagwe ya go ya go aba mohlagase ga e ba mošomiši o maemong a go lefela ditirelo tšeo di newago.
Moabi wa gae o swanetše go fa mošomiši dipeakanyo tša ditefišo le maemo a maleba ge mošomiši a dira kgopelo ya ditirelo gape ka nako.
Moabi wa gae o na le mošomo wa go tsebiša Bašomiši ba gagwe ka ga koketšo ya ditefišo, ditefišo tša go fapafapana tša kabo ya mohlagase le ka fao di šomago ka gona gore ba kgone go dira diphetho tše di tsebišitšwego ge ba dira dikgopelo tša tša kabo. (Hle, hlokomela gore Bašomiši ka hlakoreng le lengwe, ba na le maikarabelo a go botšiša ka ga ditefišo tše di tlago kgotsofatša dinyakwa tša bona.)
Go Bašomiši bao ba šomišago mohlagase wa go lefelwa pele goba pre-paid, moabi wa selegae o na le maikarabelo a go fana ka setiši sa go rekiša dikarata tša mohlagase moo dikarata tša mohlagase di tla rekwago gona. Ditiši tše tša go reka mohlagase di swanetše go ba moo batho ba kago di fihlelela gabonolo.
Ba na le maikarabelo a go netefatša gore ditiši tše tša go rekiša dikarata tša mohlagase di bulwa nakong tše di tlwaelegilego tša mabenkele matšatšing a beke le go tloga ka 8:00 go fihla ka 12:00 ka mphelabeke le matšatšing a boikhutšigohle.
Moabi wa gae/tikologo a ka fediša goba a fokoletša mošomiši kabo ya mohlagase fela ge:
Mošomiši a šitwa ke go lefela tšhomišo goba go tšwela pele ka go se lefe ka morago ga go humana tsebišo ya go phedišo go tšwa go mong wa laesense;
Tsenyo ya mohlagase e sa bolokega;
Mošomiši a se na setifikheiti sa kgonthe sa tumelelo;
Go na le bohlatse bja gore mošomiši o tshwenyane goba o šikologile mmitara;
Mošomiši o tshetše melawana ya maleba;
Goba mošomiši o wele/pankoroto.
Moabi wa tikologo o na le mošomo wa go aba kabo ya mohlagase ya go kwagala le go abela Bašomiši mohlagase wa go ya go ile le go ba le maikarabelo a go lota Marangrang go netefatša khwalithi e kaone ya kabo.
Lenanetheko/thoto
Moabi wa selegae o na le mošomo wa go fa mošomiši:
Lenanetheko la kgwedi ka kgwedi leo le hlalošago gabotse diyuniti tšeo di šomišitšwego
Polo ya mmitara yeo e hlalošago gabotse palelo ya pulo le tswalelo ya sebaka sa lenanetheko le tefišo ya diyuniti tšeo di šomišitšwego
Moo e lego gore go dirilwe tekanyetšo ya tšhomišo ya mošomiši, lenanetheko le swanetše go laetša seo, le bokaalo bofe goba bofe bjoo bo lefetšego go feta ke mošomiši ka nako tša tekanetšo le swanetše go kreditiwa ka akhaontong ya mošomiši .
Ge e le gore mošomiši o a ganetša, a ka kgopela moabi go dira teko ya bonnete bja mmitara ka tefo, yeo e tlago bušetšwa go yena ke moabi ge go ka humanwa e le gore mmitara o be o ban le phošo.
Ge e le gore go na le kganetšano, mošomiši eletšwa gore a tšwele pele ka go lefa tšhomišo ya mohlagase go phema gore ba mo kgaolele ka ge e ele gore tefokokeletšwa e tla bušetšwa morago.
Mošomiši o na le mošomo wa go tsebiša moabi wa selegae ge a huduga goba a hloka go fediša kabo ya mohlagase, goba a nyaka gore o šuthišetšwe go aterese ye ntshwa.
Thuto ya mošomiši
Moabi wa selegae o na le maikarabelo a go phethagatša mananeo ago ruta mošomiši ka ga tšhomišo ye e bolokegilego, ye e kgontšhago, ye bohlale ya mohlagase goba maemo ao a lego a koketšo go kabo ya mohlagase ao a kago go okeletša mošomiši kwišišo le tšhomišo ya mohlagase.
Moabi wa tikologo o swanetše o na le gape maikarabelo a go tsebiša Bašomiši ka ga mananetefo a go fapafapana ao a lefišwago, a dirišwa bjang, khuetšo ya wona le ka moo a swanetšego ka gona.
Dingongorego
Gopela gore ntlha ya mathomo ya letša mogala e swanetše go ba moabi wa gago wa tikologo.
Mošomiši o na le tokelo ya go dira dingongorego ka ga khwalithi ya ditirelo yeo e neelwago ke moabi wa tikologo.
Ge e le gore mošomiši o be a sa kgotsofala ka dipoelo goba ka mokgwa woo ngongorego e bego o swerwe ka gona, mošomiši a ka fetišetša molato woo go NER go hwetša thušo.
MOŠOMO WA MOŠOMIŠI
Kabo/tsenyo ya mohlagase
Mošomiši o na le maikarabelo a go wayara le go tsenya dikheipole tša mohlagase ka gare ga ntlo ya gagwe, moo a dulago gona goba thotong ya gagwe.
Ke maikarabelo a mošomiši go nyaka ditirelo tša ramohlagase yo a nago le bokgoni go mo tsenyetša mohlagase.
Mošomiši o na le maikarabelo a go kgonthišiša mangwalo a thuto le bonnete bja setifikheiti seo se hlagišeditšwego mošomo woo o dirilwego.
Maikarabelo a mošomiši a kabo ya mohlagase a felela ka gare ga thoto ya gagwe. Se sengwe le se sengwe seo se diragalago (ka ntle ga mmitara) ka ntle ga mollwane wa thoto/meago ya mošomiši ke maikarabelo a moabi wa tikologo yoo a nago le laesense. (Mošomiši o na le maikarabelo a didirišwa ka moka ka gare ga moago/thoto ntle le ge e sa akaretšwa ka tumelelanong ya kabo ya mohlagase.)
Mošomiši o swanetše go ba le Setifikheiti sa maleba sa Phethagatšo seo se hlagišitšwego ke ramohlagase wa go ba le tokelo yoo a ingwadišitšego yoo tsentšhitšego mohlagase goba a dirilego dihlahlobo ka ntlong.
Mošomiši o na le tokelo ya go dira dingongorego go NER ge moabi wa tikologo wa go ba le laesense a gana goba a tšea sebaka sa go aba mohlagase ntle le go fa tlhalošo ye ne kgotsofatšago.
Go lefela mohlagase
Mošomiši o na le mošomo wa go lefela mohlagase woo a o šomišitšego ka (ka gare ga paka nako ye e beilwego).
Mošomiši o na le tokelo ya go dira dingongorego go moabi wa tikologo yoo a nago le laesense ge e le gore ga a kgotsofatše ke khwalithi ya ditirelo yeo a e hwetšago.
Ge mošomiši a sa kgotsofatše ke ka mokgwa woo dingongorego di sepedišitšwego ka gona, mošomiši o na le tokelo ya go ipiletša go NER yeo e tlago nyakišiša molato bakeng sa mošomiši.
Ka go tsena tumelelanong ye e saenilwego le moabi wa go ba le laesense, o swanetše go lefela dipositi go ya ka mo e laeditšwego ke moabi yo a nago le laesense wa tikologo pele kopanyo ya mohlagase e dirwa.
Moabi o na le maikarabelo a go ikopantšha le moabi wa tikologo ge e ele gore mošomiši ga a nke a humana lenanetefo la kgwedi ka kgwedi.
Mošomiši o na le maikarabelo a go tšwela pele go lefela tšhomišo ya mehleng ya mohlagase le ge e ele gore go ka ba le kganetšano ka akhaonto/lenaneotefo la mohlagase.
Mošomiši o na le maikarabelo a go tšhireletša metšhene, didirišwa tša elektroniki goba didiršwa tšeo di nyakago tlhokomelo kgahlanong le kelo ya mohlagase.
Moo go hlokegago kabo ya go se kgaoletše mošomiši o na le maikarabelo a go tsenya/lokela kabo ya go peobakeng.
Ka baka la gore go na le dikgaoletšo tša mohlagase tša sewelo tšeo o ka se di thibelego, mošomiši o na le maikarabelo a go tšea dikgato tša maleba tša go thibela ditlamorago tšeo
Na thekišogape ya mohlagase ke eng?
Thekišogape ya mohlagase ge mokgatlo wa molokoloko o reka mohlagase ka bontši go tšwa go moabi gomme o o rekišetša batho ba bangwe molokolokong. Phamfolete ye e hlaloša kamano ya thekišogape gareng ga moreki (morekišigape/monyenaga) yoo a rekago go tšwa go moabi wa mohlagase wa tikologo gomme a rekišetša mošomiši (modudi/mong).
Na thekišogape ya mohlagase e diragala neng?
Thekišogape ya mohlagase e hlagelela ge mohlagase o abiwa ka bontši, mafelong ao beng ba wona e lego batho bao ba o rekišetšago badudi goba beng bodulong bjoo .
Meago e ka ba poloko ya difolete, sehlopha sa dintlo, marekelo, felo ga intasteri, meago ya diofisi bj.bj.
Ntlha ye nngwe yeo e tšwelelago ya mokgwa wo ke gore bahiri goba badudi/beng ba lefela mohlagase wa bona thwii morekišigape/monyenaga , gomme e sego moabi wa selegae/tikologo.
Na molao o hlagiša eng ka ga thekišogape ya mohlagase?
Tlhagišo/Taelo ya molawana wa Masepala: molawana wa mmasepala o laela gore bašomiši ba bofelo Municipal (badudi/beng) ga ba swanela go bewa maemong ao a sa kgahlišego go e na le ao ba ka bego ba le go wona , ge moabi wa selegae e ka be e le moabi. Bontši bja dikarolwana tša melawana ya masepala o bolela seo se tšwelelago ka gare ga Molawana wa 11 wa Molao wa Mohlagase 1987 go ya ka mo go fetotšwego.
Molawana wa 11 wa Molao wa Mohlagase: Karolo ya 11 e hlagiša gore gore:
Monge le mongwe yoo a rekišago-gape mohlagase woo o abelwago ke moabi, o mabapi le moreki yo mongwe le yo mongwe, o tla dira gore mohlagse o bjalo o o lekantšhwe ka mmitara wa mohuta wo o dumeletšwego ke Biro ya Maemo ya Afrika Borwa.
Karolo ya 11 e hlaloša gore: Ditekanyo tšeo ka tšona le maemo a thekišo ya mohlagase di ka rekišwago ka ona ke morekiši, gomme morekiši yo mongwe le yo mongwe, k akgopelo ya moreki yo mongwe le yo mongwe , o tla fana ka tshedimošo yeo e ka bago bohlokwa go mo kgontšha go laetša gore diakhaonto tšeo a di amogelago di nepagetše.
Karolo ya 1 g iša pele e hlagiša gore molawana wo o ka se diragale: ge melawana efe goba efe goba melawana yabolaodi selegae, yeo e laolago thekišogape ya mohlagase e mo tirišong;
Mo go thekišo ya mohlagase ka moswari wa laesense goba mang le mang, go ya ka tlhagišo ya karolo ya ya Molao, e lokolotšwego mo ditlhagišong tša karolo yeo.
Go ya Karolo ya 11 : Boto e ka lokolla moabi yo mongwe le yo mongwe yoo, goba karolo ya moabi, yoo go ya ka Karolo ya 6 ya Molao, go tswa mo ditlhagišong tša karolo ya molawana wa wa gomme boto e ka re nako efe goba efe kamorago ga tlhagišo ye bjalo ya gogela ka moka goba karolo ya yona ka morago ga tsebišo ya bonnyane bja dikgwedi tše tshela tša gore kgogelomorago ye bjalo e fiwe moabi goba karolo ya boabi bja maleba .
Morekišigape/monyenaga ga a swanela go lefiša go feta seo moabi wa selegae a ka go se lefiša, moo ba go abelago mohlagase thwi. Mohlala – ge o le mošomiši wa selegae gomme moabi wa selegae xxxx a lefiša abc /kwh morekišigape/monyenaga o swanetše go go lefiša kelotefo ye e lekanago.
Na ditefo tša tšhupamolato di swanetše go go laetša bokae?
Tšhupamolato ya mohlagase e swanetše go go laetša ditshenyegelo tša nnete tšeo di lego gona tša go go abela mohlagase. Ditefišo di swanetše golaetša fela tefišo ya mohlagase, yeo ka nako tše dingwe e bitšwago tefišo ya yuniti, yeo e hlagišwago ka ka kwh le/goba;
Tefelo ya ditirelo – yeo e akaretšago ditshenyegelo tša morekišigape/ monyenaga in ge a go abela mohlagase. Ditefelo tše, di akaretša palo ya dimitara, dithomelo tša melato le ditshenyegelo tšeo di tšwelelago ge go dirwa/beakanywa tšhupamolato.
Ge e le gore go na le ditefelo tše dingwe, di swanetše go laetšwa le golefelwa go tšwa mo gongwe, gomme ga di a swanela go tsenywa mo go tšhupamolato ya mohlagase.
DIKGATO TŠE DI SWANETŠEGO GO TŠEWA:
Tlhalošo ka botlalo ya ditefelo tšeo di swanetšego go fiwa modiriši. (Ge go se na tlhalošo ye e filwego – molato o swanetše go fiwa moabi wa selegae wa mohlagase).
Tsebiša monyenaga ka ga ditlhagišo tša Moao wa Mohlagase goba melawana ya mmasepala ka ga taba ye;
Ge go sa ntše go se na tharollo, kgopela thušo go tšwa go moabi wa selegae wa mohlagase go kgonthišiša gore morekišigape/monyenaga o obamela melawana ya mmasepala.
Ge bothata bo sa rarollwe, go ka dirwa eng?
O ka bega molato go NER.
O ka kgopela thušo ka kgotlatshekelo ya dikleime tše nnyane.
Go hudugela mafelong a mangwe ke boiikgethelo bjo bongwe le ge e le gore go ka se amogelege ka bonako ka baka la mabaka a mangwe ao a amegago.
Na ke efe tema yeo e kgathago ke NER mo tikologong ye?
Na mohola wa moabi wa selgae ke eng?
Go swanetše go hlokomelwa gore moabi wa selegae wa mohlagase mo mabakeng a bjalo ke moabi wa bofelo ka ge mohlagase e le tirelo ye bohlokwa.
Mo mabakeng a bjalo morekišigape o na le maikarabelo a go tsena ka gare ge has morekišigape/monyenaga a sa obamele ditlhagišo tša molawana wo o beilwego.
NA O KA THIBELA BJANG GO KGAOLELWA GA MOHLAGASE
NA MOLAO O RENG KA GO KGAOLELWA MOHLAGASE?
Molao wa Mohlagase wa 1987 bjalo ka ge o fetotšwe, o hlagiša gore moabi wa mohlagase a ka kgaolela modiriši mohlagase ge a sa lefele akhaonto ya gagwe goba a sa obamela mabaka a kabo. Le ge go le bjalo, molao o nyaka gore moabi wa mohlagase a fe mošomiši tsebišo ya matšatši a lesomenne pele a ka kgaolela modiriši wa mohlagase. Sebaka se thoma fela ge modiriši a amogela tsebišo. Tsebišo ye e tšwelelago mo tšhupamolatong ya kgwedi ka kgwedi le yona e tšwewa bjalo ka tsebišo. Ka gona badiriši ba kgopelwa go hlokomela se se ngwadilwego mo tšhupamolatong tša bona. Karolo ye e laolago tebano ye e ka go maemo a Boleng bja Ditirelo (NRS 047) gomme e itheile ka karolo ya Molao wa Mohlagase yeo e laeditšwego ka godimo.
O KA DI THIBELA BJANG
Lefa ditšhupamolato tša gago
Go bohlokwa go lefela ditšhupamolato tša gago ka botlalo ka nako tšohle. Se se tla thuša gore akhaonto ya gago e se ke ya šalela morago. Bašomiši ba na le mokgwa wa go lefela karolo ya molato phema go kgaolelwa mohlagase. Ge tšhelete ye e šaletšego morago e sa lefelwe kgweding ye e latelago, kgonagalo ya go šitwa ke go lefela akhaonto ka botlalo e a oketšega. Hle, hlokomela gore go lefela akhaonto ya gago ya mohlagase ka dikarolwana go ka lebiša mo go kgaolelweng mohlagase. Ge o lemoga ka bonako gore ga o kgone go lefela molato wo o šaletšego morago, ikopanye le moabi wa gago wa mohlagase ka bonako, gomme o dire dithulaganyo tša go lefela molato.
Phethagatša dipeakanyo tša gago tša go lefela melato
Ge e le gore o kile wa saena tumelelano ya go fediša melatole moabi wa gago, go bohlokwa go e phathagatša. Ge o šitwa ke go dira bjalo, mohlagase wa gago o tla kgaolwa. Ge e le gore maemo a gago a ditšhelete a fetogetše thata morago ga go saena tumelelano, o swanetše go tseboiša moabi wa gago wa mohlagase ka bonako. Bohlatse bja go fetoga ga maemo bo ka hlokagala.
Go hlokomela tšhomišo ya gago ya mohlagase
Ge o na le mmitara wo o tlwaelegilego (woo gape o tsebegago ka mmitara wa golekanya sekoloto) o tla swanela ke go sekaseka diyuniti tše o di šomišago le dipalo tša gago ka mehla. Mo go tšhupamolato o mongwe le o mongwe go swanetše go ba go na le palelo ya go thoma (palelo ye e fetilego) le palelo ya bofelo (palelo ya bjale). O tlile go swanela ke go bona gore paleo ya gago ya go bula kgweding yeo e swana le palelo ya go tswalela kgeding ye e fetilego. Ge dipalelo tše di sa dumelelane, nyaka tlhalošo go tšwa go moabi wa selegae mabapi le seo. Babadi ba dimmitara ba na le go dira diphošo ka nako tše dingwe..
Netefatša theko diyuniti tša gago
Go bohlokwa go tseba gore moabi wa mohlagase wa gago o swanetše go go lefiša bokae mo yuniting ye nngwe le ye nngwe (kWh) ya mohlagase wo o o šomišago. Ge o sa tsebe, botšiša moabi wa gago goba o ka ikgokaganya le National Electricity Regulator go hwetša tshedimošo. Go kwišiša gore o lefišitšwe bokae mo kgweding yeo, o swanetše go arola palo yeo e neetšwego ka Diranta ka fase ga kholomo ya mohlagase gomme o e arole ka palo ya diyuniti tše o di filwego mo tšhupamolatong. (Diyuniti e tla ba phapano magareng ga palelo ya go tswalela le palelo ya go bula) Searolo e tla ba tefelo ka yuniti e tee.
Akanya go fetolela go mmitara wa mohlagase woo o lefelwago pele
Ge go na le kgetho ya go fetolela go tšwa go mmitara wa kerediti go ya mmitareng wa mohlagase wa go felelelwa pele, akanya go fetolela gona. Gopola gore go tla hlokega tšhelete phetolelo. Tšhelete yeo e tla ya ka diampere tša kabo ya gago. Mehola ya kgetho ye ke:
Se se tla go thuša go lekanyetša tšhelete ya tšhomišo ya mohlagase;
O ka se be le matshwenyego a šalela morago ka akahonto ya gago ya mohlagase;
Go kgaolelwa mohlagase go tla phengwa;
O ka kgona go laola seelo sa mohlagase wo o o šomišago.
Ge akhaonto ya gago e ka šalela morago, go ka hlokega gore o lefelele pele o fetolela go mmitara woo o lefelwago pele. Dikholego tša lebaka le le telele tše di filwego ka godimo di feta dinyakwa tše. Gantši baabi ba abngwe ba mohlagase ba nyaka gore mošomiši a tsene tumelelanong le bona go lefela melato ye e šaletšego morago mo sebakeng se go dumelelanwego ka sona..
BOHODU BJA MOHLAGASE
PHETHAGATŠO YA BAŠOMIŠI BA MOHLAGASE
Bohodu bja mohlagse ke tlhohlo ye kgolo ye kgolo ye hlokago go fedišwa ge e le gore intasteri ya kabo ya mohlagase e swanetše go tšwela pele, e bile e kgona.
Kgaogo: Dikgokaganyo tša mohlagase tšeo di sego molaong gantši di imela tshepetšo moo ka gona di bakago kgaogo. Gi imelwa ga mohlagase e ka ama ditikologo tša kgauswi. Dikgaogo tšeo di tlholwago ke lebaka le ga molato wa moabi wa mohlase wa selegae.
Go imelwa ga tšhomišo go ka feleletša go hlola tshenyo ya didirišwa tša bašomiši bao ba lefago. Bašomiši ba ba ka se be le mokgwa wo ba ka nyakago thušo go tšwa go moabi wa mohlagase, ka ge bothata bjo bo sa diragala ka lehlakoreng la la gagwe la marangrang goba ka baka la bošaedika bja gagwe.
Se se hlola tahlego ya ditseno: Baabi ba mohlagase ba swanetše go go bona boleng bja tšhelete ya bona go tšwa mohlagaseng woo ba o rekago go tšwa go bahlagiši ba mohlagase. Ditseno go tšwa thekišong ya mohlagase di oketša bokgoni lele go thuša gore moabi wa mohlagase a dule a le kgwebong. Bohodu bja mohlagase ka gona bo hlola tšhošetšo go hlagiša mohlagase ya išago.
E šitiša go lokelwa ga mohlagase: Tahlegelo ya ditseno e ra gore go tla ba le tšheleye ye nnyane ya yeo e yago lenaneong la go hlagiša mohlagase. Se se ra gore batho bao ba se nago mohlagase ba ba tla swanela ke gore ba lete sebaka se se telele pele ba tsentšhetšwa mohlagase.
Ga go a bolokega: Mo mabakeng a mantši, dikgokaganyo tše di sego molaong di kotsi ka taba ya gore gantši dikheipole di pepeneneg, gomme di ka baka lehu.
Go ama theko ya mohlagse: Tahlegelo ya ditseno yeo e bakwego ke tahlegelo ya dithekišo a ra gore tahlegelo ye e swanetše go humanwa go tšwa go gongwe. Se se ra koketšo ya ditefelo. Gomme bofelong ke mang yo a amegago? Bašomiši bao lefelago mohlagase wa bona ka gobane ditahlegelo tše di tsentšhwa mo koketšong ya ditefelo
TABAKGOLO KE GORE MAFELELONG BAŠOMIŠI BAO BA LEFELAGO KE BONA BA LEFELAGO BOHODU BJA MOHLAGASE
NA O KA THUŠA BJANG?
Eletša moagišani wa gago ka ga ditlamorago tša tiro ye;
Eletša moagišani wa gago gore a ka dira bjang kgopelo ya kgokaganyo ya mohlagase;
Tsebiša baagišani ba gago, mohlomongwe ba ka tla le leano la gore bothata bjo bo hlokomelwa bjang;
Hlagiša bothata bjo y mekgatlong ya setšhaba/ leago;
Fetišetša bothata bjo go Diforamo tša Kgokaganyo ya Bašomiši;
Tsebiša moabi wa gago wa mohlagse ge o tseba gore mothoyo mongwe o utswa mohlagase.
Gopola : Bjalo ka mošomiši wa mohlagase, ke maikarabelo a gago go lefela ditirelo šeo o di amogelago. Ge o na le mathata a go lefela diakhaonto tša gago, mohlomongwe go ka ba bohlokwa gore o fetolele mmitareng wa mohlagae wa go lefelwa pele. Ka mokgwa o tla kgona go laola tšomišo ya mohlagase wa gago. Bohodu bja mohlagase ga bo ame fela badiriši ba mo karolong yeo o dulago go yona, le bašomiši ba dikarolo tše dingwe ka gore tiragalo e na le mokgwa wa go amana.
DIFORAMO TŠA KGOKAGANO TŠA BAŠOMI
Na ke ka baka la eng go hlokagala Diforamo tša Kgokagano?
Diforamo tša Kgokagano tša Bašomi di diretšwe go tiiša tswalanyo magareng ga moabi le bašomiši ka go ba fa sethala seo go tšwa go sona tshedimošo e ka abelanwago le go ananywa gomm dingongorego tša bašomiši di ka ririšanwago le go rarollwa.
Na Doforamo tša Kgokagano ya Bašomiši di a hlokega, na di bohlokwa?
Peleng:
Dikgahlego tša bašomiši di be di sa tlhokomelwe;
Go ba le seabo ga bašomiši go be go sa tsebiwe;
Gantši bašomi ba be ba swanetše go amogela se sengwe le se sengwe seo ba se fago ke ke baabi;
Go be go se na sethala seo ba bego ba ka hlohleletša go tše sephetho ga bona le go kgokagana le moabi wa mohlagase.
Na maikemišetšo a diforamo tša bašomiši ke eng?
Maikemišetšo a tšona ke go oketsa dikamano tše di legogona magareng ga baabi le bašomiši, go tšwetšapele mekgwa ya kgokaganyo magareng ga mekgatlo e mebei le go hlatloša maitemogelo a go ruta bašomiši, gomme ka go dira bjalo go tlholwa lefelo lefelo la tirišanommogo mo intastering ya phatlalatšo ya mohlagase.
GO LEMOGILWE KGONAGALO YA MEŠOMO YE E LATELAGO:
Go bopa dikamano tše kaone magareng ga baabi le bašomiši ba mohlagase;
ditherišano tša dingongorego tšeo di sa rarollwago tša bašomiši;
go lemogiša bašomiši dinyakwa tša bona;
tlhabollo wa ditšhišinyo;
kgokagano le diforamo tše dingwe tša bašomiši;
phatlalatšo le phethošetšo ya tshedimošo go ruta bašomiši;
tirišo/kamogelo ya makala ao a di lego gona setšhabeng;
tshekatsheko ya phethagatšo ya moabi go ya ka maemo a a beilwego;
matshwenyego ka ga ditefo tša diakhaonto le ditefo tše di šaletšego morago;
tšhentšhišano ya tshedimošo ka ga ditefišo le theko goba se sengwe le se sengwe.
Diforamo tša Kgokagano ya Bašomiši di swanetše go hlongwa bjang?
Foramo ya Kgokagano ya Bašomiši e tla kopanywa le moabi wa mohlagase tikologong ye itšego. Moabi o tla leka go akaretša dikarolo tša setšhaba ka moka gore a humane thekgo ye e tletšego ya setšhaba le go kgatha ta tema.
Bašomiši go tšwa dikgorong ka moka tša Bašomiši ba swanetše go laletšiwa le go dumelelwa go tsenela le go tšea karolo dikopanong tša foramo. Moo go lebanego go ka hlokagala go boledišana le:
bodulo thuto tlhokomelo ya tša kalafo mmušo/ di-CBO
Moo go lebanego, Bašomiši goba sehlopha sa Bašomiši ba ka kgetha baemedi go emela dikgahlego tša bona dikopanong.
Moabi wa mohlagase e tla ba morapa pitšo wa foramo gape o tla ba karolo ya foramo. Metsotso ya kopano e tla bolokwa.
Mešomo le maikarabelo a maloko a swanetše go ba ka mo go latelago:
Maloko a Foramo ba swanetše go ba kgauswi le ditlhabollo tša ESI le dikgahlego tša setšhaba;
Forum e tla šoma dilo/ditaba tšeo di rometšego ke batho ka noši, dihlopha tša Bašomiši goba baemedi ba bona; le baabi;
Foramo e tla thuša ka thuto ya Bašomiši ;
Foramo e ka se be mokgatlo wa go dira diphetho ntle le ka ditaba tše di amago mošomo wa tšona;
Foramo e tla šoma mmogo le NER go boledišana ka ga ditaba tše di sa rarollwago bjalo ka khetho ya bofelo.
Ka nako le nako, foramo e ka sekaseka melawana tshepetšo ya diforamo tša kgokagano ya Bašomiši.
Dikopano tša ka mehla
Foramo e tla swanela ke go swara dikopano tša bonnyane bja tše pedi ka ngwaga, ba ka swara tša go feta ge go hlokagala.
TLHOKOMELO YA DIFORAMO TŠA PHETHAGATŠO YA BAŠOMI
NER e ka rwala maikarabelo ago lebelela Diforamo tša Kgokaganyo ya Mošomiši ka thušo ya pego yeo e lego ka go NRS 047.
Phethagatšo ya foramo ya kgokagano le bašomiši
Phethagatšo ya Diforamo tša Kgokagano ya Mošomiši di ka ba ka mokgwa wo o latelago:
Tlhabollo ya ditlhagišo le go tšea karolo le bakgathatema;
therišano le Batšeakarolo tumelelo ya makgotla a bohlokwa;
tumelelo ya Boto ya NER;
poledišano le baabi ba mohlagase le poledišano le setšhaba .
Baemedi bao ba direlago Diforamo tša Kgokagano tša Bašomiši go tla hlokagala gore ba hlahlwe. Se se tla dirwa ge diforamo di tlhomilwe.
Dikholego go Baabi le Bašomiši
Bašomiši bao ba nago le tsebo ka ga ditokelo le ditshwanelo tša bona bjalo ka bašomiši ba mohlagase;
Tikologo yeo e loketšego le hlohleletša tšhomišano le kwišišano magareng ga baabi le bašomiši ba mohlagase.
Di tla fokotša palo ya dingongorego le dikganetšano tšeo di tlišetšwago go rarollwa ke NER .
Di tla thuša NER go hlokomela phethagatšo ya moabi wa mohlagase.
